صباح الخير، وأهلاً بيكم في "تيلدا لينس" — نظرتكم اليومية على حركة السوق والفلوس في مصر، في دقايق

النهارده: بلتون أعلنت عن أرباح قوية + أخبار من مطاحن جنوب القاهرة والجيزة، بنك فيصل الإسلامي واكتر

مؤشر إي جي إكس ٣٠ زاد بنسبة ٠٫٣٨٪ وقفَل عند ٤١٬٤٩٩ نقطة، مؤشر إي جي إكس ٧٠ ارتفع بنسبة ٠٫٢٧٪ وقفَل عند ١٢٬٤٦٤ نقطة، ومؤشر إي جي إكس ١٠٠ زاد بنسبة ٠٫٢٧٪ وقفَل عند ١٦٬٥٨٥ نقطة

قيمة التداول وصلت لـ٧٫٤ مليار جنيه، من خلال ١٤٠٬٢٩٧ عملية على حوالي ٤٬٩٦٤٬١٢٨٬٠٩٧ سهم

المستثمرين الأجانب كانوا الوحيدين اللي سجلوا صافي شراء

أبرز الأسهم الكسبانة في السوق كله: العربية لمنتجات الالبان – باندا (+١٩٫٨٨٪)، جو جرين للإستثمار الزراعي (+٨٫٩٤٪)، ودلتا للطباعة والتغليف (+٨٫٨٦٪)

أما الخسرانة: العامة للصوامع والتخزين (-٥٫٤٤٪)، ماكرو جروب للمستحضرات الطبية (-٥٫٢٦٪)، وأكتوبر فارما (-٤٫١٣٪)

بالنسبة لمؤشر إي جي إكس ٣٠: أبرز الكسبانة كانت جي بي كورب (+٥٪)، إي فاينانس (+٣٫٣٪)، وجهينه (+٢٫٤٪)

أما الخسرانة: مجموعة طلعت مصطفى (-٢٫٦٪)، راميدا (-٢٫٥٪)، والنساجون الشرقيون للسجاد (-٢٫١٪)

إحصائيات مهمة تانية:

سعر جرام الذهب عيار ٢٤ وصل لـ٦٬٤٣١ جنيه، منخفض يوميًا بنسبة ٠٫٢٣٪ ومرتفع شهريًا بنسبة ٪٥٫٤٥

الدولار وصل لـ٤٧٫٥٢ جنيه في البنك الأهلي المصري

١- بلتون القابضة حققت صافي أرباح ١٫٥ مليار جنيه في التسع شهور الأولى من ٢٠٢٥، بزيادة ٣٢٪ عن نفس الفترة السنة اللي فاتت. الإيرادات التشغيلية قفزت ٩٧٪ ووصلت ٩٫٦ مليار جنيه. (اقرأ أكتر في قسم نظرة معمقة)

٢- بنك فيصل الإسلامي المصري وافق على بيع قطعة أرضه في شارع النزهة بمدينة نصر لهيئة الأوقاف المصرية مقابل ٩٢٤ مليون جنيه. البنك سجل انخفاض صافي الأرباح بنسبة ٦٩٫٧٪ ليصل ٢٫٧٢٣ مليار جنيه خلال أول تسع شهور من ٢٠٢٥، والسبب الرئيسي كان تغيرات سعر الصرف. وسعر سهمه نزل بنسبة ٩٫٥٣٪ من بداية سنة ٢٠٢٥

٣- شركة مطاحن جنوب القاهرة والجيزة قررت دعوة الجمعية العامة غير العادية يوم ٢٧ ديسمبر لمناقشة بيع موقعين: عين الصيرة في شارع صلاح سالم وشونة الهرم في شارع الملك فيصل، وكمان مشروع مشترك على قطعة أرض مساحتها ١٥٠٠ متر مربع في شارع الملك فيصل. الشركة نفت وجود أي أحداث جوهرية تفسر تحرك سعر السهم مؤخرًا. ومع إن الخسائر تجاوزت نص حقوق المساهمين، مجلس الإدارة أكد استمرار نشاط الشركة بعد ما سجلت أرباح في مايو بقيمة ٣٫٣ مليون جنيه مقابل ١٫٠٨ مليون جنيه السنة اللي فاتت. قيمة سهم الشركة ارتفعت بنسبة ٢٩٠٪ من بداية السنة

٤- محمد فريد، رئيس الهيئة العامة للرقابة المالية، قال خلال مراسم قرع جرس التداول لأول يوم لشركة إيجيترانس بعد اندماجها مع نوسكو إن التكنولوجيا المالية والتسجيل الإلكتروني رفعوا عدد المستثمرين الجدد في البورصة من ٢٥–٣٠ ألف لأكتر من ٢٥٠–٣٠٠ ألف سنويًا، وحجم التداول اليومي وصل ٦–٧ مليار جنيه بدل ما كان ٥٠٠ مليون قبل ٣ سنين. كمان، إسلام عزام، رئيس البورصة، أشار إن القيمة السوقية المجمعة لشركات البورصة وصلت دلوقتي لـ ٢٫٩ تريليون جنيه، بزيادة ٤٠٪ من بداية السنة، وده بيمثل حوالي ١٦٪ من الناتج المحلي الإجمالي

١- وزارة المالية والبنك المركزي وجهات تانية بيجهّزوا مبادرة جديدة بحجم عشرة مليار جنيه علشان يوفروا تمويل ميسّر ودعم فني للشركات الناشئة وروّاد الأعمال، حسب مصدر حكومي اتكلم مع إنتربرايز. المبادرة متوقع تطلع للنور في النصف الأول من ٢٠٢٦، بفوايد مخفّضة لتحفيز القطاع. كمان البنك الأوروبي لإعادة الإعمار هيوفّر تمويل بقيمة ٢٠٠ مليون دولار للبنك الأهلي علشان يوسّع قروض المشروعات الصغيرة والمتوسطة ومتناهية الصغر على مستوى الجمهورية

٢- ديون مصر الخارجية وصلت لـ ١٦١٫٢ مليار دولار في السنة المالية ٢٠٢٤-٢٥، بزيادة بسيطة ٥٫٥٪، والبنك المركزي أكد إنها لسة تحت السيطرة بسبب تركيز كبير على الديون طويلة الأجل. الزيادة جات أساسًا من زيادة صرف القروض الخارجية وتأثير تغيرات أسعار العملات. ومع إن خدمة الدين ارتفعت، الاحتياطيات الأجنبية وصافي أصول البنوك الأجنبية قوى موقفهم، وكمان العجز في الحساب الجاري قل نتيجة زيادة التحويلات المالية، والسياحة، والصادرات غير النفطية

أعلنت بلتون القابضة عن صافي أرباح بعد الضريبة وحصص الأقلية بقيمة ١٫٥ مليار جنيه خلال التسع شهور الأولى من ٢٠٢٥، بزيادة ٣٢٪ مقارنة بنفس الفترة من ٢٠٢٤

إجمالي الإيرادات وصل ٩٫٦ مليار جنيه، بزيادة ٩٧٪ على أساس سنوي، مدعومة بالأداء القوي لوحدات الخدمات المالية غير المصرفية، والخدمات المصرفية الاستثمارية، وإدارة الأصول

:أداء منصة الخدمات المالية غير المصرفية

بلتون للتأجير التمويلي والتخصيم: حققت إيرادات ٣٫٥ مليار جنيه (٣٦٪ من إجمالي الإيرادات)، مع محفظة قائمة بقيمة ١٧٫١ مليار جنيه (بزيادة ٨٤٪ على أساس سنوي) وتمويلات جديدة بقيمة ١٤٫٤ مليار جنيه (بزيادة ١٤٨٪ على أساس سنوي)

بلتون للتمويل العقاري: سجّلت إيرادات ١٫٥ مليار جنيه (بزيادة ١٣٥٪ على أساس سنوي)، مدعومة بمحفظة قائمة قيمتها ٧٫٠ مليارات جنيه (بزيادة ٦٥٪ على أساس سنوي) وبأول عملية توريق بإصدار سندات قيمتها ١٫٣ مليار جنيه خلال الربع الثالث من ٢٠٢٥

ذراع التمويل الاستهلاكي بتاع الشركة "سفن": حقق إيرادات ١٫١ مليار جنيه (بزيادة ٤٨٪ على أساس سنوي)، بدعم من تحسينات رقمية، وإعادة إطلاق خدمات الشراء بالتقسيط، وبرامج تمويل السيارات

ذراع التمويل متناهي الصغر "كاش" : سجل إيرادات ٦٦٢ مليون جنيه (زيادة ١٦٧٪ على أساس سنوي). واصلت كاش التوسّع السريع مع التركيز على التحول الرقمي وتحسين الكفاءة التشغيلية، وعدد الفروع  وصل ١٥٠ فرع بنهاية التسع شهور الأولى من ٢٠٢٥

بلتون لتمويل المشروعات الصغيرة والمتوسطة: حققت إيرادات ٣٤٩ مليون جنيه (بزيادة ٦٦٦٪ على أساس سنوي)، ومحفظة موزعة بين التصنيع (٥٥٪)، والتجارة (٢٣٪)، والخدمات (٢٢٪)

:بنك الاستثمار

سجل بنك الاستثمار إيرادات تشغيل وصلت ل ٨٦٧ مليون جنيه (بزيادة ٢٧٤٪ على أساس سنوي) بدعم من معاملات أسواق الدين، والخدمات الاستشارية، ونشاط الوساطة.

:إدارة الأصول

سجلت بلتون أصول تحت الإدارة بقيمة ٣٠٫٧ مليار جنيه (بزيادة ٢٦٪ على أساس سنوي). حقق صندوق الذهب «سَبَايِك» نمو ١٣٫٣ ضعف مقارنة بنفس الفترة من السنة اللي فاتت، وصندوق بلتون ميّة ميّة — اللي يتتبع مؤشر «إي جي إكس ١٠٠» — سجل نموًا بمقدار ١٥٫٦ ضعف

:أداء الربع الثالث

في الربع الثالث، سجّلت بلتون صافي ربح بعد الضريبة وحقوق الأقلية ١٨٦ مليون جنيه، بزيادة ٤١٪ على أساس سنوي. الارتفاع ده كان مدفوع بزيادة الإيرادات من خلال أنشطة الإقراض والخدمات المالية المختلفة إيرادات التشغيل خلال الربع وصلت ٣٫٢٥ مليار جنيه، بزيادة ٧١٪ على أساس سنوي، حسب ما ذكرت إدارة الشركة

:خطط التوسّع والنظرة المستقبلية

إدارة الشركة قالت انها مركزة على مجالات نمو رئيسية، ومن ضمنها توسيع شبكة ذراع تمويل متناهي الصغر بتاعها  ل أكتر من ٢٠٠ فرع بنهاية السنة، قالت كمان  انها هتطلق صناديق جديدة لإدارة الأصول، بما فيها صناديق بالدولار وصناديق جديدة بتتبع المؤشرات/ صناديق سلبية

علشان تدعم خطط التوسع دي، الشركة قالت عايزة تاخد قرض ثالث من المساهم الرئيسي بتاعها، شركة شيميرا الإماراتية، زي ما واضح في جدول أعمال الجمعية العامة المقرر عقدها يوم ٢٢ ديسمبر

:رد فعل السوق

سهم بلتون ارتفع ١٫٣٪ ووصل ٣٫٢٥ جنيه بحلول الساعة ١٢ الظهر (بتداولات قيمتها ١٤٢ مليون جنيه) بعد إعلان نتائجها، لكنه أنهى تداول يوم الخميس تقريبًا عند نفس مستواه عند الافتتاح (بانخفاض ٠٫٣١٪ عن إليوم اللي قبلوا).  لكن السهم ارتفع ٤٧٫٦٪ من بداية السنة

خلصنا جولتنا في السوق النهارده

استنوا التحديثات الجديدة بكرة