صباح الخير، وأهلاً بيكم في "تيلدا لينس" — نظرتكم اليومية على حركة السوق والفلوس في مصر، في دقايق

النهارده: المصرية للاتصالات حددت جدول لتسوية ديونها + أخبار أرباح من العربية لحليج الأقطان، دايس، و القاهرة للإسكان. وكمان في أخر العدد عندنا آخر أخبار أداء البورصة في نوفمبر

مؤشر إي جي إكس ٣٠ قل بنسبة ٠٫١٧٪ وقفَل عند ٤٠٬٦٢٥ نقطة، مؤشر إي جي إكس ٧٠ زاد بنسبة ٠٫٧٥٪ وقفَل عند ١٢٬٣٨٠ نقطة، ومؤشر إي جي إكس ١٠٠ ارتفع بنسبة ٠٫٢٠٪ وقفَل عند ١٦٬٤٦٢ نقطة

قيمة التداول وصلت لـ٧٫٨ مليار جنيه، من خلال ١٤٤٬٤٦٤ عملية على حوالي ٤٬٤٩١٬٢٠٠٬٠٦٤ سهم

المستثمرين الإقليميين كانوا الوحيدين اللي سجلوا صافي بيع

أبرز الأسهم الكسبانة في السوق كله: أكتوبر فارما (+١٣٫١٧٪)، المجموعة المصرية العقارية (+١١٫٢٠٪)، وبايونيرز بروبرتيز للتنمية العمرانية (+١١٫٠٦٪)

أما الخسرانة: جيتكس للاستثمارات التجارية والصناعية (-٨٫١١٪)، جي إم سي للاستثمارات الصناعية والتجارية المالية (-٤٫٩٣٪)، والأهرام للطباعة والتغليف (-٤٫٧٨٪)

بالنسبة لمؤشر إي جي إكس ٣٠: أبرز الكسبانة كانت البنك التجاري الدولي (+١٫٨٪)، كريدي أجريكول (+١٫٧٪)، وراميدا (+١٫٢٪)

أما الخسرانة: القلعة للاستثمارات المالية (-٤٫٧٪)، مصر للأسمنت (-٣٫٨٪)، وإي إف جي القابضة (-٢٫٧٪)

:إحصائيات مهمة تانية

سعر جرام الدهب عيار ٢٤ وصل لـ٦٬٤٤٧ جنيه، منخفض يوميًا بنسبة ١٫٠١٪ ومرتفع شهريًا بنسبة ٪٤٫٨٦

الدولار وصل لـ٤٧٫٤٧ جنيه في البنك الأهلي المصري

١- المصرية للاتصالات متوقعة تسدد كل ديونها خلال من أربع لخمس سنين، وبعدها ترجع تحقق فوائض نقدية من تاني. للتذكير، المصرية للاتصالات قربت تبيع معظم أصول مراكز البيانات بتاعتها لشركة هيليوس للاستثمار بحوالي ٢٣٠-٢٦٠ مليون دولار، ومن المتوقع إتمام الصفقة بحلول الربع الأول من ٢٠٢٦. معظم الفلوس الطلعة من الصفقة متوقع تتوجه لتقليل ديونها. قيمة سهم الشركة ارتفعت بنسبة ٨٧٪ من بداية السنة

٢- رمكو لإنشاء القرى السياحية كلّفت مكتب استشاري يعمل دراسة كاملة عن المخاطر الائتمانية ويقيّم قدرة الشركة على سداد التزاماتها واستمرار نشاطها. المطلوب إن الدراسة تخلص خلال أسبوع علشان المراجع يقدر ينهى تقريره على القوائم المعدّلة لسنة ٢٠٢٤. قيمة سهم الشركة ارتفعت بنسبة ٤٫٤٪ من بداية ٢٠٢٥

٣- شركة العربية لحليج الأقطان أرباحها نزلت من ٦٦٠٫١٧ مليون جنيه لـ ٥٢٦٫٧٢ مليون جنيه في السنة المالية من يوليو ٢٠٢٤ لحد يونيو ٢٠٢٥. ومبيعاتها كمان هبطت لـ ٢٫٦٣ مليار جنيه من ٤٫٠٣ مليار جنيه. سعر سهم الشركة ارتفع ١٫٣٧٪ من بداية السنة

٤- دايس للملابس الرياضية والكاجوال سجّلت صافي ربح ٣٠١٫٦٥ مليون جنيه خلال أول تسع شهور من السنة، مقارنة بـ٨٠٤٫٦٩ مليون السنة اللي فاتت. المبيعات ارتفعت خلال الفترة لـ٥٫١٣ مليار جنيه بدل ٤٫٠٥ مليار في نفس المدة من ٢٠٢٤. قيمة سهم الشركة ارتفعت بنسبة ١٨٫٢٨٪ منذ بداية السنة

٥- القوائم المجمّعة لشركة القاهرة للإسكان بيّنت صافي أرباح ٦٦٫٨٢ مليون جنيه خلال أول تسع شهور من ٢٠٢٥، مقارنة بـ١٫١٦ مليار في نفس الفترة من السنة اللي فاتت. الإيرادات ارتفعت خلال الفترة لـ٣٩٩٫٥١ مليون بدل ٣١٩٫٩ مليون السنة اللي فاتت. تجدر الإشارة إن الشركة سجلت مكاسب من إعادة تقييم العقارات الاستثمارية بقيمة حوالي ١٫٤٩٩ مليار جنيه في نفس الفترة من ٢٠٢٤ . قيمة سهم الشركة ارتفعت بنسبة ١٤٫٨٧٪ من بداية السنة

١- الحكومة المصرية منحت مشروع سكة حديد لوجستي يربط بين القاهرة–الإسكندرية بقيمة ٥٤٠ مليون يورو لتحالف فرنسي–مصري بيضم ألستوم، كونكريت بلس، ورواد الهندسة الحديثة، حسب ما أكدت أربع مصادر مطلعة ل الشرق. المشروع ممول بالكامل من البنك الدولي، وهيتطبق على ٣ مراحل من نص ٢٠٢٦ لحد ٢٠٣٠ ويهدف لرفع قدرة الشحن من ٨ مليون طن في السنة لـ ١٣ مليون طن في السنة بحلول ٢٠٣٠. المشروع هيقدر يشغّل في البداية ١٥ قطار حاويات يوميًا ويزيد لحد ٥٠ قطار بحلول ٢٠٦٠

٢- وصل صافي الأصول الأجنبية للقطاع المصرفي المصري ل ٢٢٫٦٥ مليار دولار في أكتوبر، بزيادة ١٫٨٧ مليار دولار عن سبتمبر وأكثر من ضعف ٩٫٢ مليار دولار المسجلة في أكتوبر ٢٠٢٤. الزيادة  جت نتيجة نشاط البنوك التجارية والبنك المركزي. البنك المركزي سجل فائض ١١٫٧ مليار دولار، ارتفاعا من ١١٫١ مليار دولار في سبتمبر. صافي الأصول الأجنبية يعتبر مؤشر مهم على استقرار الاقتصاد، لأنه بيعكس قدرة البنوك على تغطية الواردات ودعم الجنيه المصري

مؤشر إي جي إكس ٣٠ ارتفع بنسبة ٦٫٥٪ في نوفمبر، وقفل الشهر عند ٤٠,٨٠٠ نقطة، حسب أحدث بيانات السوق من البورصة المصرية

أداء المؤشرات التانية

مؤشر إي جي إكس ٣٣ للشرعية الإسلامية سجل أعلى مكاسب في نوفمبر، وارتفع بنسبة ٩٫٩٩٪ وقفل عند ٤,٣١٧٫٦٦ نقطة

في نفس الوقت، مؤشر إي جي إكس ٧٠ سجل مكاسب بنسبة ١٫٧٪ وقفل عند ١٢,٢٩١٫٢٩ نقطة، ومؤشر إي جي إكس ١٠٠ ارتفع بنسبة ٣٫٠٨٪ ليصل ل ١٦,٣٩٩٫١٧ نقطة

القيمة السوقية الإجمالية زادت ٤٪ لتصل ل ٢,٩ تريليون جنيه

التداول نزل في القيمة

إجمالي قيمة التداول انخفض إلى ١,٥٥ تريليون جنيه مقابل ١,٦٥ تريليون جنيه في أكتوبر. الأسهم شكلت ١٠٫٤٪ من إجمالي التداول، بينما السندات والأوراق المالية المتبقية استحوذت على الباقي

أقوى القطاعات وأضعفها

القطاعات اللي سجلت أعلى مكاسب كانت خدمات التعليم (٢٥٫٤٪)، ومواد البناء (١٨٪)، وتكنولوجيا المعلومات والإعلام والاتصالات (١٣٫٧٪)، والعقارات (١٢٫٩٪)، وأعمال المقاولات والهندسة الإنشائية (٩٫٧٪). في حين أن القطاعات الأضعف كانت السفر والترفيه (-٧٫٧٪)، والمنسوجات والسلع المعمرة (-٥٫٧٪)، والموارد الأساسية (-٤٫٧٪)، والرعاية الصحية والأدوية (-٤٫٥٪)، والتجارة والموزعين (-٣٫٦٪)، والأغذية والمشروبات والتبغ (-١٫٧٪)

خلصنا جولتنا في السوق النهارده

استنوا التحديثات الجديدة بكرة