صباح الخير، وأهلاً بيكم في "تيلدا لينس" — نظرتكم اليومية على حركة السوق والفلوس في مصر، في دقايق

النهارده: أرباح ام.ام جروب زادت، وأخبار أرباح تانية + السويدي افتتحت مصنع جديد في السعودية + تفاصيل عن صفقة بيع مراكز البيانات بتاعة المصرية للاتصالات

مؤشر إي جي إكس ٣٠ نزل بنسبة ٠٫٩٢٪ وقفَل عند ٣٩٬٥٣٧ نقطة، مؤشر إي جي إكس ٧٠ نزل بنسبة ٠٫٤١٪ ووصل لـ ١٢٬١٦٢ نقطة، ومؤشر إي جي إكس ١٠٠ كمان نزل بنسبة ٠٫٦٠٪ وقفَل عند ١٦٬١٠٣ نقطة

قيمة التداول وصلت لـ ٥٫٧ مليار جنيه، من خلال ١٢٢٬٠٤٣ عملية على حوالي ٣٬٢٥٩٬٤٠٣٬٣١٣ سهم

المستثمرين المحليين كانوا الوحيدين اللي سجلوا صافي شراء

أبرز الأسهم الكسبانة في السوق كله: أيه كابيتال القابضة (+١٩٫٩٢٪)، رواد السياحة (+٨٫٥٩٪)، والعبور للاستثمار العقاري (+٨٫٤٥٪)

أما الخسرانة: حق اكتتاب ماكرو جروب للمستحضرات الطبية (-١٨٫٨٣٪)، جوجرين للاستثمار الزراعي (-٩٫٢٦٪)، ومصر للأسمنت (-٧٫٦٪)

بالنسبة لمؤشر إي جي إكس ٣٠: أبرز الكسبانة كانت أوراسكوم كونستراكشون (+١٫٣٪)، كريدي أجريكول (+١٫٠٪)، والمصرية للاتصالات (+٠٫٧٪)

أما الخسرانة: مصر للأسمنت (-٧٫٦٪)، أوراسكوم للتنمية (-٣٫٢٪)، وإي فاينانس (-٢٫٩٪)

إحصائيات مهمة تانية

٪سعر جرام الدهب عيار ٢٤ وصل لـ ٦٬٣٨٩ جنيه، منخفض يوميًا بنسبة ٠٫٢٨٪ ومرتفع شهريًا بنسبة ١٫٢١

الدولار وصل لـ ٤٧٫٦٧ جنيه في البنك الأهلي المصري

١- ام.ام جروب سجلت صافي ربح مجمّع ٣٨١ مليون جنيه في الربع التالت، بزيادة ٣٢٪على أساس سنوي، مع ارتفاع الإيرادات المجمعة بنسبة ٢٥٪ على أساس سنوي لتصل لـ٥٫٧ مليار جنيه. (اقرأ أكتر في قسم نظرة معمقة)

٢- أعلنت الشركة المالية والصناعية المصرية عن تراجع صافي أرباحها المجمعة بنسبة ٤٠٪ على أساس سنوي خلال التسع شهور الأولى من ٢٠٢٥، محققة ٨٠٣٫١٥ مليون جنيه. وفي المقابل، ارتفعت الإيرادات لتصل إلى ٧٫٧٨ مليار جنيه مقابل ٦٫٦٤ مليار جنيه في نفس الفترة من السنة اللي فاتت. سعر سهم الشركة ارتفع ٩١٫٤٨٪ من بداية السنة

٣- سجلت شركة ليسيكو مصر تراجع في صافي أرباحها المجمعة بنسبة ٦٦٪ على أساس سنوي خلال التسع شهور الأولى من ٢٠٢٥، محققة ٣١٧٫٢١ مليون جنيه. ارتفعت الإيرادات لتصل إلى ٥٫٧٤ مليار جنيه مقابل ٤٫٨٦ مليار جنيه في نفس الفترة من ٢٠٢٤. وأوضحت الشركة إن انخفاض الأرباح مقارنةً بـنفس الفترة من السنة اللي فاتت.يرجع لمكاسب استثنائية من العملة الأجنبية حققتها السنة اللي فاتت بعد تعويم الجنيه في مارس. سعر سهم الشركة انخفض ١٨٫٥٢٪ من بداية ٢٠٢٥.

٤- سجلت شركة مصر الوطنية للصلب – عتاقة تراجع في صافي أرباحها بنسبة ٨٠٪ خلال التسع شهور الأولى من ٢٠٢٥، ليصل صافي الربح ل ١٤١٫٣١ مليون جنيه. وفي المقابل، ارتفعت الإيرادات لتصل إلى ٥٫٢٧ مليار جنيه مقابل ٣٫٧ مليار جنيه في نفس الفترة من ٢٠٢٤. وسعر سهم الشركة ارتفع ٧٩٪ من بداية السنة

أخبار غير متعلقة بالأرباح

١- شركة السويدي إليكتريك في السعودية افتتحت مصنع جديد في الرياض بتكلفة ٤٠ مليون دولار لإنتاج وصلات الكابلات وأعمدة الفيبر جلاس، وبقت أول مورد محلي معتمد لوصلات الجهد المتوسط لشركة الكهرباء السعودية. إجمالي استثمارات المجموعة في المملكة عدى ٢٥٠ مليون دولار، وفيه مشروعات إضافية ١٥٠ مليون دولار تحت الدراسة

٢- المصرية للاتصالات قربت من بيع أغلب أصول مراكز البيانات بتاعتها لشركةهيليوس للاستثمار مقابل حوالي ٢٣٠-٢٦٠ مليون دولار، والمتوقع إتمام الصفقة في الربع الأول من ٢٠٢٦، حسب مصادر اتكلمو مع لبورصة. الجزء الأكبر من العائدات هيُستخدم لتقليل الديون وتحويل الشركة من صافي مديونية لصافي نقدي خلال أربع سنين. الإجراءات القانونية والموافقات التنظيمية دلوقتي في المرحلة الأخيرة قبل إتمام الصفقة. جدير بالذكر إن قيمة أسهم الشركة زادت بنسبة ٩٣٫٣٪ من بداية السنة

٢٧ نوفمبر ٢٠٢٥ 

مصر للأسمنت – تاريخ صرف توزيعات الأرباح بقيمة ٠٫٥ جنيه للسهم، وتاريخ الاستحقاق كان يونيو ٢٣

راميدا – تاريخ صرف توزيعات الأرباح بقيمة ٠٫٠٥٣ جنيه للسهم، وتاريخ الإستحقاق كان هو ٧ يوليو. هتقوم الشركة برضو بتوزيع ٠٫٣٢٣ سهم مجاني لكل سهم في ٣ ديسمبر، وتاريخ الاستحقاق ٢ ديسمبر

١- مصر بتخطط لإنفاق مليار دولار في المرحلة الأولى من مشروع لإنشاء محطات ثابتة وعايمة لتزويد سفن السوماكس بالوقود على طول قناة السويس بالشراكة مع القطاع الخاص، حسب مصدرين حكوميين اتكلمو مع انتربرايز. وده جزء من خطة أكبر بـ٢ مليار دولار لتقديم خدمات وقود وصيانة ولوجستيات للخطوط البحرية الكبيرة، وتحويل القناة لمحور خدمات. السعر التنافسي والبنية التحتية للغاز الطبيعي المسال، بما فيها محطة جديدة في بورسعيد

٢- شركة وينبكس الصينية هتفتح مصنع باستثمارات ١٥ مليون دولار قريب من ميناء السخنة لإنتاج لمبات شمسية، لمبات ليد، وأجهزة إلكترونية بالشراكة مع شركة مين ديفيلوبمنت، وده هيخلق ٥٠٠ فرصة عمل مباشرة. كل الإنتاج هيُصدر، حسب ما قالت المنطقة الاقتصادية لقناة السويس

قدّمت ام.ام جروب أداء قوي في الربع التالت، بعد ما إجمالي الإيرادات المجمعة ارتفع بنسبة ٢٥٪ على أساس سنوي ووصل لـ٥٫٧ مليار جنيه. وصافي الربح المجمّع سجّل ٣٨١ مليون جنيه، بزيادة ٣٢٪ عن السنة اللي فاتت، مدفوع بارتفاع أحجام المبيعات وزيادة واضحة في مساهمة دخل الشركات الشقيقة.

سعر سهم الشركة ارتفع بنسبة ٨٫٣٥٪ من بداية السنة

الإلكترونيات الاستهلاكية فضلت المحرك الرئيسي للنمو، بدعم من مبيعات الموبايلات والأجهزة المنزلية

قطاع السيارات شاف قفزة كبيرة في الإيرادات، مع تحسن توافر المخزون وزيادة عدد الوحدات المبيوعة

القطاع التابع للاتصالات حقق نمو ملحوظ، بقيادة شبكة محلات فودافون السريعة ومساهمة قوية من خدمات التشغيل

نشاط الجرارات تضاعف في الإيرادات، رغم إن القاعدة التشغيلية لسه صغيرة

دخل الشركات الشقيقة ارتفع لـ٦٣ مليون جنيه، نتيجة الأداء القوي في شركة بي فارما وشركة بساطة للتمويل، واللي نفذت كمان إصدار صكوك إسلامية بقيمة ٥٫٥ مليار جنيه — أول إصدار من نوعه في قطاع التمويل العقاري في مصر

الإيرادات: ١٦٫٧ مليار جنيه (زيادة ٥٥٫٣٪ على أساس سنوي)

صافي الربح: ١٫٠ مليار جنيه (زيادة ٢٨٫١٪ على أساس سنوي)

النمو مدفوع بارتفاع الطلب على الإلكترونيات الاستهلاكية والسيارات، وتوسّع قنوات التوزيع، وتحسن توافر المنتجات، بالإضافة لمساهمات قوية من الشركات الشقيقة

:ام.ام جروب بتجهّز لمواصلة التوسع من خلال

زيادة انتشارها في البيع والتوزيع، خصوصًا في الموبايلات والأجهزة المنزلية والسيارات

تعزيز شراكاتها مع العلامات العالمية في الإلكترونيات والاتصالات والسيارات الفاخرة

دعم منظومتها الرقمية والمالية من خلال حصصها في بساطة وبي فارما وشركات شقيقة تانية، واللي متوقع مساهمتها تكبر بعد التحركات الأخيرة في سوق أدوات الدين

خلصنا جولتنا في السوق النهارده

استنوا التحديثات الجديدة بكرة