صباح الخير، وأهلاً بيكم في "تيلدا لينس" — نظرتكم اليومية على حركة السوق والفلوس في مصر، في دقايق

النهارده: مجموعة طلعت مصطفى بتتوسع بقوة في عمان بمشاريع جديدة، بلتون بتسعى لتمويل جديد، وأخبار أرباح من كونكريت والمصرية للمنتجعات السياحية

مؤشر إي جي إكس ٣٠ قل بنسبة ٠٫١٥٪ وقفَل عند ٤٠٬٦٩٣ نقطة، مؤشر إي جي إكس ٧٠ نزل بنسبة ٠٫٠٢٪ وقفَل عند ١٢٬٢٨٨ نقطة، ومؤشر إي جي إكس ١٠٠ زاد بنسبة ٠٫١٩٪ وقفَل عند ١٦٬٤٣٠ نقطة

قيمة التداول وصلت لـ٧٫٧ مليار جنيه، من خلال ١٤٧٬٢٠٦ عملية على حوالي ٣٬٩١٩٬٩١٦٬٥١٥ سهم

المستثمرين الدوليين كانوا الوحيدين اللي سجلوا صافي بيع

أبرز الأسهم الكسبانة في السوق كله: القلعة للاستثمارات المالية (+١٠٫٥٧٪)، إيه كابيتال القابضة (+٨٫٧٤٪)، وحق اكتتاب مصرف أبو ظبي الإسلامي (+٧٫٧٤٪)

أما الخسرانة: ديجيتايز للاستثمار والتقنية (-٢٠٪)، المصرف المتحد (-٩٫٩٩٪)، والوطنية للطباعة (-٨٫٢٦٪)

بالنسبة لمؤشر إي جي إكس ٣٠: أبرز الكسبانة كانت القلعة للاستثمارات المالية (+١٠٫٥٧٪)، مصرف أبو ظبي الإسلامي (+٤٫٤٪)، وبلتون القابضة (+٢٫٨٪)

أما الخسرانة: المصرية للاتصالات (-٢٫١٪)، جي بي كورب (-١٫٦٪)، وبالم هيلز للتطوير للتعمير (-١٫٦٪)

:إحصائيات مهمة تانية

سعر جرام الدهب عيار ٢٤ وصل لـ٦٬٤٤٧ جنيه، منخفض يوميًا بنسبة ٠٫٥٢٪ ومرتفع شهريًا بنسبة ٪٥٫٣٩

الدولار وصل لـ٤٧٫٥ جنيه في البنك الأهلي المصري

-  مجموعة طلعت مصطفى أعلنت امبارح إستثمار أكتر من ٥ مليار دولار في مشروعين عقاريين كبار في عُمان—جود في مدينة السلطان هيثم ويامال على خليج عُمان—وهيوفروا حوالي ١٥ ألف وحدة سكنية ضمن خطة رؤية عُمان ٢٠٤٠. المشروعات ماشية على نفس نموذج الخدمات المتكاملة والاستدامة اللي بتطبّقه المجموعة في مصر، وبتشكّل بداية لتوسعها الإقليمي في عُمان. (اقرأ أكثر في قسم نظرة معمقة)

٢- بلتون القابضة بتسعى للحصول على قرض مساند تالت من المساهم الرئيسي بتاعها، شركة "شيميرا" الإماراتية، وفق جدول أعمال الجمعية العامة المقرر تعقد في 22 ديسمبر الجاي. الشركة حصلت قبل كده على قروض في نوفمبر ٢٠٢٢ (حوالي ١.٣٤٣ مليار جنيه) وأبريل ٢٠٢٤ (١٠٠ مليون دولار). بلتون، واحدة من أكبر المؤسسات المالية في مصر، شهدت ارتفاع قيمة سهمها بأكتر من ٥٠٪ من بداية السنة

٣- شركة مدينة مصر وقعت مذكرة تفاهم مع شركة جروب للإنشاءات لتنفيذ ٨٠ مبنى سكني في منطقة "راي فيوز" ضمن مشروع "سراي" شرق القاهرة، باستثمارات حوالى ١.٢ مليار جنيه. ومن المقرر انتهاء الأعمال قبل نهاية ٢٠٢٧. أسهم شركة مدينة مصر ارتفعت بنسبة ١١.٨١٪ منذ بداية ٢٠٢٥

٤- سجّلت كونكريت فاشون جروب هبوطً في صافي أرباحها بنسبة ٤٣٫٨٪، محققة ٦٫٦ مليون دولار خلال أول تسع شهور من ٢٠٢٥. وصلت صافي المبيعات ل ١١٠٫٥ مليون دولار بزيادة ٨٫٤٪ على أساس سنوي. (اقرأ أكثر في قسم نظرة معمقة)

٥- شركة المصرية للمنتجعات السياحية رجعت للربحية خلال التسع شهور الأولى من ٢٠٢٥، بصافي ربح ١٠٢.٨٦ مليون جنيه مقابل خسائر ٥٥٦.٤٩ مليون جنيه في نفس الفترة من ٢٠٢٤. وإجمالي الإيرادات تقريبًا تضاعف ووصل ٨٨٥.٢٥ مليون جنيه مقابل ٤٨٢.٠٨ مليون جنيه السنة اللي فاتت. سعر سهم الشركة ارتفع بنسبة ٥٣٪ من بداية السنة

١- الحكومة ناوية ترفع أسعار الكهرباء من يناير الجاي، بنسب تتراوح بين ١٥ و٢٥٪ حسب استهلاك كل واحد، حسب ما قال مسؤول ل انتربريز. الهدف من الخطوة ده تقليل الفجوة بين تكلفة الإنتاج وسعر البيع، خصوصًا بعد ما ضغوط التضخم بدأت تقل وكمان بعد رفع أسعار الوقود في أكتوبر

٢-  شركة إنفنيتي باور بدأت الأعمال الإنشائية لمزرعة رياح رأس غارب بقدرة ٢٠٠ ميجاوات في خليج السويس، بعد توقيع عقد هندسة ومشتريات وإنشاءات مع شركة باور تشاينا هُوادونج. المشروع هيوفر كهرباء نظيفة لأكتر من ٣٠٠ ألف منزل ويقلل انبعاثات ثاني أكسيد الكربون بأكتر من ٤٠٠ ألف طن سنويًا، وده جزء من خطة مصر ٢٠٣٠ اللي بتستهدف إن الطاقة المتجددة تمثل أكتر من ٤٢٪ من مزيج الكهرباء

مجموعة طلعت مصطفى أعلنت امبارح إستثمار أكثر من خمسة مليار دولار في مشروعين عقاريين كبار في سلطنة عُمان — جود في مدينة السلطان هيثم، ويامال على خليج عُمان. المشروعين هيضمّوا حوالي ١٥ ألف وحدة سكنية، وبيساهموا في خطة رؤية عُمان ٢٠٤٠ للتوسع في المدن الذكية والمجتمعات العمرانية المتكاملة

المشروعين اتكشف عنهم امبارح في احتفالية رسمية في مسقط. المجموعة قالت إن التطويرات جاية بنفس النموذج اللي بتطبقه في مصر، مع تركيز على الخدمات المتكاملة والاستدامة. كمان ناوية تطبّق نفس المعايير في توسعاتها الإقليمية اللي جاية في عُمان والعراق والسعودية، بهدف خدمة أكتر من مليون ونص ساكن بحلول سنة ٢٠٣٠

البيع في المشروعين هيفتح النهارده. وإجمالي مساحة الأراضي المتخصصة ليهم بيتجاوز ٤.٩ مليون متر مربع

نظرة سريعة على المشروعين

:يامال
تطوير ساحلي بيضم شاطئ بطول ١.٧٦ كم، ومعاه وحدات سكنية، فنادق، مارينا، مناطق ترفيه، وأنشطة مائية

:جود
مجتمع عمراني متكامل في مدينة السلطان هيثم، فيه وحدات سكنية، مساحات خضراء، مناطق تجارية، مدارس، خدمات صحية، ونادي اجتماعي ورياضي

طلعت مصطفى أعلنت قريب إن شركة تابعة ليها بدأت تطوير مجمع سياحي متكامل بقيمة ٧٨٨ مليون دولار ورا المتحف المصري الكبير، بالتعاون مع هيئة المجتمعات العمرانية الجديدة

المشروع — على مساحة ٤٢.٤ فدان — هيضم فندق خمس نجوم فيه ٤٩٥ غرفة بإدارة علامة عالمية، ومعاه مطاعم، محلات، شقق فندقية، مكاتب، ومنطقة ترفيه كبيرة. متوقع يحقق حوالي ١٠٠ مليون دولار صافي سنوي، ويوصل لإجمالي مبيعات عقارية حوالي ٢٣٣ مليون دولار طول عمر المشروع

لحد ٣٠ سبتمبر ٢٠٢٥، محفظة الوحدات المباعة وغير المُسلّمة عند طلعت مصطفى وصلت ٤٤٣ مليار جنيه — بزيادة ٥٥٪ على أساس سنوي — وده بيدي رؤية قوية لإيرادات السنين الجاية

المجموعة بتقول إنها ضمن أفضل تلات مطورين عقاريين مقيدين في البورصة في المنطقة، بفضل محفظة أراضيها الكبيرة في مصر، وعُمان، والعراق، والسعودية

جدير بالذكر أن سعر سهم الشركة طالع بحوالي ٣٥٪ من بداية السنة

أعلنت كونكريت فاشون جروب عن تراجع أرباحها الصافية بنسبة ٤٣٫٨٪ لتصل ل ٦٫٦ مليون دولار خلال  أول تسع شهور من ٢٠٢٥. ارتفاع الضرائب، زيادة فواتير المرافق، تطبيق الحد الأدنى للأجور، وانخفاض الحوافز التصديرية أثّروا كلهم على صافي الأرباح

وعلى الرغم من ده، وصلت صافي المبيعات ل ١١٠٫٥ مليون دولار بزيادة ٨٫٤٪ على أساس سنوي، مدعومة بأداء قوي فى قطاعات التصنيع والتجزئة

أبرز أنشطة التشغيل

قطاع التصنيع: سجل قطاع التصنيع زيادة ٩٫١٪ فى المبيعات مقارنة بنفس الفترة من ٢٠٢٤، مع تصدير حوالى ٩٥٪ من الإنتاج لبيوت أزياء عالمية زي: مايسي، رالف لورين، أرماني، ماسيمو دوتي، و ده جاب  تدفقات قوية للعملات الأجنبية للشركة

وأدى تعافى الانشطة التصديرية فى مصنع العاشر من رمضان وسط اضطرابات التجارة العالمية لدعم المبيعات، ومتوقع استمرار الأداء الجيد لنهاية السنة

قطاع التجزئة: حقق قطاع التجزئة ١٩٫٢ مليون دولار صافي مبيعات، بزيادة ٤٫٩٪ بالدولار و٢٢٫١٪ بالجنيه المصري

العوامل الرئيسية للنمو كانت أداء العلامة الرائدة كونكريت، إطلاق أول مجموعة كاملة لملابس السيدات، وافتتاح محل جديد فى أبوظبى. كمان رفع القطاع حضوره دولياً من خلال تجهيز ملابس افتتاح المتحف المصرى الكبير وتجهيز ملابس شخصيات مصرية بارزة فى فعاليات مهمة

التطلعات والاستراتيجية

أوضحت الإدارة أن جهود خفض الديون مستمرة، وصافي الديون وصل ل ١٢٤٫٥ مليون دولار مقارنة بـ ١٣٠٫٥ مليون دولار في نهاية ٢٠٢٤

وللمستقبل، بتخطط الشركة لتوسيع مجموعاتها من الملابس الرجالية والسيدات، وتعميق شراكاتها مع العلامات العالمية، وتسريع التصدير، وزيادة تواجدها فى التجزئة محلياً ودولياً. ومن المتوقع أن تساعد الخطوات دى تساعد فى نمو المبيعات وتحسين الهوامش خلال الربع الرابع من ٢٠٢٥ وفى ٢٠٢٦، حسب ما قالت إدارة الشركة

جدير بالذكر أن سعر سهم كونكريت نزل بنسبة ٢٦٪ من بداية السنة

خلصنا جولتنا في السوق النهارده

استنوا التحديثات الجديدة بكرة